“Leer ‘n kind vroeg hoe om te leef en hy sal tot sy oudag toe reg leef” - Spr 22:6 Baie welkom by Heidi Kleuterskool!! Ons vertrou dat julle, as deel van die Heidi familie, die ontwikkelingspad van u seun/dogter wat ons tree vir tree saam met elkeen stap tot gr RR - ten volle sal geniet. Saam gaan ons ontdek, leer, ontwikkel, oefen aan motoriese vaardighede en met opgewondenheid uitsien na die ontwikkeling van elke Heidi maat tot ’n unieke individue – reg om die volgende fase van hulle skool loopbaan aan te durf teen die einde van gr RR. Graag wil ek vra dat julle asb die maats gereeld skool toe stuur sodat hulle gewoond kan raak aan die roetine. Hulle skakel sommer vroeg en gemaklik by hulle klassies in as hulle gereeld by die skool is. Ons weet dit is moeilik vir ‘n ouer hart, as maats soms huil in die oggende as julle hulle afgee...maar weet asseblief dat dit vir ons heeltemal normaal is en dat die maats binne 5 minute ophou huil en dan lekker speel en gemaklik is in die klasse en met die maats. Mamma en Pappa: gee die maats ‘n stywe druk en gaan drink ‘n sterk koppie tee of koffie terwyl jou kindjie by Heidi is. Hier by Heidi streef elke personeel lid daarna om ons Heidi maats: Te laat leer met WYSHEID om hulle gedagtes te vorm; Te laat leer met WAARHEID om hulle harte te vorm; Te laat leer met VISIE om die toekoms tegemoet te gaan; Te laat leer met LIEFDE om die wêreld te vorm! Heidi groetnis,